Alan Pelhon: Pilhar cada minuta que ven

Passejada leterària en Vila Vielha de "Nissa ti vouòli ben"

Promenade littéraire dans le Vieux-Nice de "Nissa ti vouòli ben"

A l'escadença dau Festinòv 2024 de l'Institut d'Estudis Occitans (IEO 06).

A l'occasion du Festinòv 2024 de l'Institut d'Etudes Occitanes (IEO 06).

Tapa 17 - Bolivard Joan Jaurès (ex Bolivard dei Italians)

Etape 17 - Boulevard Jean Jaurès (ex Boulevard des Italiens)

Alan Pelhon (1946-1994) es un magistre, cuntaire, poèta e actor de la lenga occitana.

En lo 1970, rescontrèt lo Maurís Sgaravizzi: Alan Pelhon escriuguèt lu tèxtos, Maurís lu metèt en música e lu cantèt.

Participèron en lo 1971 a la creacion dau Centre Cultural Occitan País Nissart, que si soana despí dau 2016:

Nissa Pantai - Centre Cultural Occitan País Nissart e Alpenc.

PILHAR CADA MINUTA QUE VEN - Alan Pelhon

Pilhar cada minuta que ven

Coma una minuta d'eternitat

La si faire petar plan plan

Li uelhs sarrats

Sensa tròp bolegar

 

Coma se di faguesse una transfusion de jòia

La pilhar coma la maire breça lo pichon

La pilhar per la man

E s'anar passejar en lo sant Joan

La tastar emé lo dintre de la pèl

 

Mèfi

Si pòu espaventat

Bessai li caudrà cantar l'ària dei còlas

Quora a tròp plòugut

 

L'òdor de la terra sota li castanhiers quiets

La música plorinhoa dei fònts

Bessai la caudrà regarjar

L'escotar

Li donar de baietas

E provar de la si gardar aquí

Au mitan dau còr.

Dich da Cristòu Daurore.